Зөөврийн био жорлон --75 л

  • Үзсэн тоо: 782
  • Ангилал: Ванн, ариун цэврийн өрөө
  • Шинэчлэгдсэн огноо: 2018-08-11
  • Үнэ: 3,500,000 ₮
  • Захиалах:
  • Менежертэй холбогдох

Био жорлон "Эко"-г бие засах газар хаана л хэрэгтэй байна (гэр хороолол, зуслан, хөдөө хээр, аялал жуулчлалын бааз, голын эрэг, хотын гудамж, ил задгай кафе баар, парк, барилга, уул уурхай) тэнд аваачиж хэрэглэж болно. Цэвэр бохир усны холболт, муу усны нүх, цахилгааны холболт хэрэггүй.  

Био жорлонгийн бохирын савыг запас бохирын саваар (бохирын савыг тусд нь зардаг) сольж хэрэглэж болно. Ингэснээр бохир асгах зардал, цаг хугацааг хэмнэх, нэг доор олон хүнд үйлчилэх, ариун цэвэрийг сахих боломжийг олгодог. 

"Эко" био жорлонгийн бохирыг хэрэглэгчид өөрсдөө асгахад зориулагдсан бөгөөд бохир асгахад хөнгөн хялбар, бохир соруулах машин хэрэггүй.   

Үзүүлэлт:

  • Цэвэр, бохир, ус, цахилгааны холболт хэрэггүй. Нүх ухах шаардлагагүй.
  • Зөөвөрлөхөд хөнгөн. Био жорлонгийн жин - 85 кг. Жорлонгийн өндөр х өргөн х урт /247 х115 х115 см/ 
  • Био жорлонг бохирын машинаар соруулах хэрэггүй. Хэрэглэгчид бохироо өөрсдөө асгахад зориулагдсан. Бохирын сав дугуйтай болон бариутай. Бохир задлах бодис хэрэглэдэг тул бохир цайвар, бохирын үнэргүй шингэн болсон байна. 
  • Бохирын сав 75 литр бохир хадгалах багтаамжтай. Бохирын савны хэмжээ: өндөр х урт х өргөн /29 х 106 х37 см/ 
  • Бохирын ямар ч үнэр гарахгүй тул ялаа, шумуул цуглахгүй, өт үрждэггүй.
  • Био жорлонгийн өнгө гандахгүй, үнэр шингэхгүй.
  • Цэвэр усны савны нийт багтаамж 145 л.
  • 100 гаруй удаа бие зассаны дараа бохирыг асгаж, бохирын савыг бохир задлах бодисоор цэнэглэнэ. Бохирын савыг цэнэглэхэд 100-150 мл бохир задлах бодис ордог.
  • Бие зассаны дараа бохир задлагч бодисыг хийхгүй. Бохир задлагч бодисыг ганцхан удаа - цэвэр бохирын савыг хэрэглэхэд/бохироо зайлуулсаны дараа хийнэ. 
  • Савангийн саванд 3 литр шингэн саван эсвэл гар ариутгагч орно.

Ашиглах заавар:

Био жорлонг хэрэглэхээс өмнө: 

  • Био жорлонгийн бохир хадгалах саванд 2 литр ус, 100-150 мл бохир задлагч бодисыг хийнэ./аагим халуунд 150мл бодис хийнэ/
  • Жорлонгийн суултуурын хоёр талд байгаа цэвэр усны савнуудад дүүртэл нь /тус тус 19 л цэвэр ус, суултуурын тагны ард байгаа цэвэр усны саванд /10 л/ усыг тус, тус хийнэ.
  • Савангийн саванд 3 литр шингэн саван эсвэл гар ариутгагчийг хийнэ.
  • Угаалтуурын цэвэр усны саванд цэвэр ус хийнэ.

Био жорлонг ашиглах:

  • Био жорлонгийн суултуурын урд талд байгаа цагаан татуургыг татаж бохирын савны тагийг онгойлгон бие засана.
  • Бие зассаны дараа бохирын савны зүүн урд талд шалан дээр байгаа хар гишгүүрийг дарж жорлонгийн усыг татна.
  • Бохирын савны татуургыг түлхэж бохирын савны амсрыг хаана.
  • Угаалтуурын хажууд шалан дээр байгаа хар гишгүүрийг дарж угаалтуурын усыг нээнэ. Гишгүүрийн даралтаар гойжих усны хэмжээг хянаж болно.

Бохирын савыг суллах:

  • Бохирын савны хэмжээ заагчийн өнгө хувирбал- шар өнгөтэй болвол бохирын сав дүүрсэнийг илтгэнэ. Бохирын савыг заавалчгүй дүүргэх шаардлагагүй. Хэрэглэгч хэдэн удаа ч бие засаад хамаагүй бохирыг зайлуулж болно. 
  • Бохирын савны суултуурын өмнө байгаа цагаан тутуурга буюу бохирын савны амсар хаагдсан байх ёстой.
  • Бохирын савыг татаж гаргадаг нүхний бохирын савны хажууд байрладаг дотор талын түгжээг мултална.
  • Бохирын савыг гадна талаас нь тусгай зориулалтын нүхээр нь татаж гаргана.
  • Бохирын савыг бариулаас нь бариад дугуйгаар нь чирж бохир асгах газарт бохирыг асгана. Бохирын савны улбар шар хоолойг бохир асгах нүхрүү чиглүүлэн тагийг нь авна. Бохирыг энэхүү хоолойгоор асгана. Бохир цайвар шингэн, бохирын үнэргүй шингэн болсон байна.
  • Бохирын савны улбар шар хоолойг таглаад эхний байрлалд нь оруулна.
  • Бохирын савны улбар шар хоолойн хажууд байгаа цагаан тагийг онгойлгоод цэвэр ус хийж бохирын савыг зайлж асгана.
  • Бохирын саванд 2 литр цэвэр ус, 100-150 мл бохир задлах бодисыг хийж бохирын савыг цэнэглэнэ. 

Анхаарах зүйлс:

  • Бохирын саванд ариун цэврийн хэрэглэл, элдэв хоол хүнс, хаягдал хог хийхийг хориглоно.
  • Зуны аагим халуунд био жорлонг 150 мл бохир задлах бодисоор цэнэглэнэ.
  • Био жорлонг бохир задлагч бодисгүй хэрэглэж болохгүй.
  • Хасах 10 градуст шингэн бохир хөлдөх тул тус жорлонг дулааны улиралд хэрэглэнэ /жорлон өөрөө хөлдөхгүй/

Иж бүрдэл:

  • Жорлонгийн их бие 
  • Жорлонгийн суултуур, суултуурын таг
  • Бохир хадгалах сав
  • Шингэн савангийн савтай угаалтуур
  • Цэвэр усны сав 
Менежертэй холбоо барих
Та энэ бүтээгдэхүүнийг борлуулж байгаа компанийн менежертэй холбогдохын тулд нэвтэрсэн байх шаардлагатай.

Нэвтрэх