``ГАЛАН`` үйлдвэрийн цахилгаан халаагч тогоо

  • Үзсэн тоо: 11609
  • Ангилал: Халаах хэрэгсэл
  • Шинэчлэгдсэн огноо: 2009-08-12
  • Захиалах:
  • Менежертэй холбогдох

ШИНЭ ТЕХНОЛОГИ-Цайны халуун савны хэмжээтэй мөртлөө 900 куб.м байр халаах чадалтай учир халаалтын тогоо хэмээжээ. Халаалтын шинэ шийдэлМанай өнөөгийн нөхцөлд амины орон сууц, үйлдвэрлэл үйлчилгээний зориулалтын барилга байгууламж, агуулах, ферм зэргийн халаалтанд ихэвчлэн хатуу түлшний (нүүрс, мод), шингэн түлшний (дизель түлш), хийн түлшний халаагч тогоонууд өргөнөөр ашиглагддаг билээ. Эдгээр халаагч тогоонууд нь овор хэмжээ том, суурилуулахад түвэгтэй, үнэ өртөг өндөр, үр өгөөж багатай, ашиглалтын горим хүнд зэрэг нь “ГАЛАН” компанийг цэрэг дайны үйлдвэрлэлийн ололт амжилт дээр тулгуурлан шинэ үеийн цахилгаан халаагчийг зохион бүтээж, үйлдвэрлэлд нэвтрүүлэн, өргөн олны хүртээл болгоход хүргэсэн юм. Электрод бүхий цахилгаан халаагчны ажиллагаа нь дулаан тээгчийг ионжуулах зарчим дээр тулгуурласан шинэ үеийн дэвшилтэт төхөөрөмж юм. Эдгээр халаагчнууд нь 1994 оноос үйлдвэрлэлд нэвтэрч, инженерийн сүлжээнээс алслагдсан тосгон суурингууд, төмөр замын өртөөнүүд, харуулын байр, агуулах, төмөр замын вагон зэргийг халаах, хэрэглээний халуун усаар хангахын зэрэгцээ байгалийн гамшиг тохиолдсон, дайн тулааны хүнд нөхцөлд халуун ус дулааны асуудлыг хугацаа алдалгүй шийдэж болдгоороо бусдаас давуу чанарыг агуулж байгаа юм. Галан электрод бүхий тогоонуудОрчин цагийн технологи материалууд, шинэ автомат төхөөрөмжүүд, зохион бүтээх шинэ шийдлүүд ашигласан нь энэхүү цахилгаан халаагчнуудыг галын ба цахилгааны бүрэн аюулгүй байдалтай болгож харьцангуй хямд өртөгтэй үйлдвэрлэх боломжтой болгосон юм. Үүн дээр тус халаагчнуудын бусад халаагчнуудтай харьцуулахад цахилгааныг 30-40%-ийн хэмнэлттэйг тооцох юм бол эдгээр “ГАЛАН” электродот халаагчнуудын давуу талууд илт болж байна. Одоогоор “ГАЛАН” үйлдвэр нь 2-30 кВт чадалтай 120-900м3 байгууламж халаах чадалтай, бүх төрлийн автомат удирдлагатай, 220-380В хүчдэлээр ажилладаг ЭЛЕКТРОД-той болон ТЭН-тэй халаалтын цахилгаан тогоонуудыг санал болгож байна. Танд халаалтыг цахилгаан халаагчаар шийдэх нь ашиг багатай мэт санагдаж болзошгүй. Гэвч алсын удирдлагатай, бүрэн автоматжсан найдвартай систем шаардлагатай үед цахилгаан халаагчид хандах нь гарцаагүй болдог. Үүнээс гадна түлш агуулах тусгай байр сав, утаа гаргах яндан зэрэг шаардлагагүйг тооцвол үүнээс ашигтай хувилбар үгүй л болов уу. Халалтын горимыг автоматаар тохируулах боломж нь цахилгаан хэмнэхэд ихээхэн ач холбогдолтойг тэмдэглэх хэрэгтэй. Хувийн үл хамаарах цахилгаан халаалтын системийн давуу талууд илт юм. Үүнд: * Түлш агуулах тусгай өрөө байр, түлш нүүрс буулгах тусгай зам гарц шаардахгүй, * Халаагч байрлуулах тусгай өрөө шаардахгүй, * Халалтын тогооноос халаалтын систем хүрэх шугам хэмнэгдэнэ, * Их хэмжээний түлш нөөцлөх шаардлагагүй, * Төрөл бүрийн тоосжилт, тааламжгүй үнэр байхгүй, * Хүн хянах, түлш нэмэх зэрэг гар ажиллагаа шаардахгүй, * Цахилгаан тасраад дахин ирэхэд ямар ч оролцоогүй систем горимдоо орно, * Шаардлагагүй үед \ажилдаа явсан хойгуур г.м.\ тасалгааны дулааныг бага байлгаснаар цахилгаан хэмнэх боломжтой, * Автомат удирдлагад орох боломжоор цахилгаан систем нь хамгийн тохиромжтой, * GSM системээр алсаас удирдах боломжтойн дээр бүх горимыг долоо хоногоор, өдөр, цаг минутаар төлөвлөн тохируулах боломжтой. Өөрийн дулаандаа эзэн болох нь Нийгмийн хөгжлөө дагаад барилгын салбар эрчимтэй өргөжиж, өвөл зуны хувийн орон сууц, зуслангийн байшин барих нь улам нэмэгдсээр байгаа нь бүх төрлийн шинэ материал технологи нэвтрэхийг шаардсаар байна. Барилга байгууламжийн инженерийн шугам хангамжийн ихээхэн хэсэг нь дулаан хангамжид оногддог нь нууц биш ба нийтийн аж ахуйн зардлын ихэнхи нь дулаан хангамжид зарцуулагдсаар байна. Одоогоор хөгжингүй орнуудын жишээгээр нэгдсэн буюу төвлөрсөн халаалтын системээс үл хамаарах өөрийн халаалтын системд шилжих явц өргөн нэвтэрч байна. Хөрөнгө оруулалт ашиглалтын зардал өндөртэй төвлөрсөн халаалтын систем нь цахилгаан халаалтын системд байр сууриа аажмаар алдсаар байна. Ихэнхи системүүд нь ажиллаж эхлэхдээ хүний оролцоог шаарддаг бол цахилгаан халаалтын системд ажиллуулж эхлэх, цахилгаан хангамж түр тасрах зэргээс айлтгүй өөрөө ажиллаж эхэлдэг. Дулаан цахилгаан хэмнэх нэг гол нөхцөл нь автомат тохируулга, удирдлага, тарифт тоолуур хэрэглэх явдал юм. Хүний эзгүйд байрыг дулааны доод хэмжээнд барих боломжтой нь хэмнэлтийн нөхцөлийг хангана. Амины орон сууц, хувийн гараж авто засварын газрууд, үйлчилгээний цэгүүдийн зэрэгцээ сургууль, цэцэрлэг, эмнэлэг зэрэг төсвийн байгууллагуудад ч хэмнэлт гаргах боломж нээлттэй байгааг ЧД-ийн 103-р цэцэрлэгийн жишээ харуулж байна. “ГАЛАН” үйлдвэрийн цахилгаан халаагч тогоог сонгох үндсэн долоон шалтгаан Харьцангуй хямд үнэ нь манай төхөөрөмжийн цорын ганц давуу тал биш юм. Зарим давуу талуудаас дурьдвал: 1. Цахилгаан эрчим хүчийг дундын “зуучлагчгүй” шууд дулаан болгох шинэ арга нь АҮК /ашигт үйлийн коэффициент/-ийг 98 %-д хүргэх боломж олгосон. 2. Цахим удирдлага тохируулгын төхөөрөмж ашигласан нь халаагууруудын бодит ажиллах цагийг багасгаж цахилгаан эрчим хүчний хэмнэлт 30%-60% болгодог. 3. Бүтэн хоногийн туршид таны хүссэн тухтай дулааны горимыг барих ба нэмэлт гар тохируулга шаардахгүй. 4. Орон сууцны болон үйлчилгээ үйлдвэрлэлийн ямар ч байранд суурилуулан ашиглахад ямарваа нэгэн тусгай зөвшөөрөл шаардлагагүй. 5. Урьд нь хэрэглэж байсан хуучин системээ ашиглах боломжтой. 6. Халаалтын системд “Галан” үйлдвэрийн бүтээсэн “Галан-Поток” тусгай шингэнийг ашигласнаар халаалтын системийг урт хугацаанд ашиглахгүй үед ч түүнийг системээс юүлэхгүй байх боломж олгоно. “Галан-Поток” антифриз шингэн нь хүний биед хортой бодис ууршуулахгүйн зэрэгцээ хөлдөх температур – 40С байна. 7.Хамгийн өндөр хүчин чадалтай халаагуурын ашиглалтанд ч үйлчилгээний ажилчид шаардлагагүй. Чаргаа зун нь бэлтгэе, халаалтаа хүйтрэхээс өмнө шийдэцгээе! “ГАЛАН” үйлдвэрийн цахилгаан халаалтын тогоо нь таны тав тухтай амьдрах, ажиллах орчныг бүрдүүлж чадна гэдэгт итгэлтэй байна.
Менежертэй холбоо барих
Та энэ бүтээгдэхүүнийг борлуулж байгаа компанийн менежертэй холбогдохын тулд нэвтэрсэн байх шаардлагатай.

Нэвтрэх
Худалдаалагч
Тасума ХХК
Холбоо барих мэдээлэл
91165525 91915525 91115525
http://www.tasuma.mn
"Гермес" төвийн 2-р давхарт.Итгэмжлэгдсэн угсрагч: 96664630