Зөөж тээвэрлэдэг, эко шийдэлтэй, тохилог, хямд хувийн орон сууц

  • Үзсэн тоо: 6048
  • Ангилал: Үйлдвэр
  • Шинэчлэгдсэн огноо: 2011-04-16
  • Захиалах:
  • Менежертэй холбогдох

Энэ сууцны бусдаас ялгарах хамгийн онцлог шинж: Бэлэн болсон бүтээгдэхүүн маань 7,4 м урттай, 6 м өргөн хэмжээтэй тул зөөж тээвэрлэхийн тулд 2 хэсэгт хуваагдан салдагаар эохион бүтээгдсэн. Энэ нь таныг газарын элдэв маргаант асуудалд орох эрсдлээс хамгаалж нөгөөтэйгүүр зөөж тээвэрлэдэг боломжтой болсноор "орчин цагийн нүүдэлчин'' маягаар амьдарч /зуслангийн газартаа аваачих/ болох сонирхолтой давуу талтай болгож байна. Уг сууц нь төмөр каркасан хийцтэй тул бат бөхийн асуудалд санаа зовох хэрэггүй. Мөн газар хөдлөлтөд хамгийн тэсвэртэй орон сууц гэж ойлгож болно. Энэхүү орон сууцыг хийхдээ сүүлийн үед гарсан барилгын материал технологийн бүхий л давуу талуудыг тусгахыг хичээлээ. Барилгын бүтэц, эохион байгуулалтын талаар: Барилгын үндсэн хийц Сууцны гадна ерөнхий байдал Үндсэн каркасыг төмөр эдлэхүүнээр зангидаж угсарсан бөгөөд "ПАНЕЛ СИСТЕМ" үйлдвэрийн 10 см зузаантай сэндвичэн хавтангаар бүрж, дотор талаас нь "BASALTWOOL" эрдэс чулуун хөвөнгөөр давхар дулаалж, гипсэн хавтангаар доторлосон. Барилгын дээвэр нь налуу хэлбэртэй бөгөөд мөн сэндвич хавтангаар бүрж, хуйлмал шилэн хөвөнгөөр дулаалан, таазны каркасийг хөнгөн цагаан хийцээр хийсэн. Барилгын шалыг төмөр болон модон дам нуруугаар хийцлэж 2,5 см банзаар уллаж, түүн дээр 5 см-ийн зузаан эрдэс шилэн хөвөнгөөр дулаалж, хучилтыг 5 см -ийн зузаан банзаар хийж шалласан. Дулаан алдагдлыг багасгах зорилгоор вакум цонхыг гурван давхар шилтэйгээр хийсэн. Доторхи өрөө тасалгааны зохион байгуулалтыг төлөвлөхдөө өгөгдсөн орон зайд ашиггүй талбай гаргахгүйгээр оновчтой шийдэл гаргахыг зорьж сүуүлийн үеийн загвар болоод буй зочны ороо гал тогоог хамтад нь төлөвлөж унтлагын нэг өрөө, ариун цэврийн өрөө, үүдний гонх гэсэн өрөө тасалгааны зохион байгуулалт хийлээ. Барилгын суурь: Энэ байшинг хэдийгээр суурьгүй тавьж болох ч таны газар налуу хэвгий гээд янз бүр байгаа. Тэгэхээр та манай гаргаж өгсөн зургийн дагуу суурийг сайтар хийж бэлдсэн байх шаардлагатай. Өрөөний зохион байгуулалтХалааст, салхивч, цэвэр бохир ус Барилгын халаалтыг байгаль экологид хор хөнөөлгүй байхаас гадна таны тав тухтай байдал эрүүл мэндийг бодолцон Солонгос улсад үйлдвэрлэсэн шалны "Heat Well" брэндийн цахилгаан хулдаасан халаагуур төлөвлөж автомат тохируулга бүхий удирдлага суурилуулж өгсөн. Бид таны эрчим хүчний зардлыг хэмнэх зорилгоор тарифт тоолуур болон алсын удидлага суурилуулсан. Өөрөөр хэлбэл, таны байшинд гар утас суурилуулснаар та асаах унтраах болон цагийн горим бичиж өөрийн гар утаснаас сүлжээ барьдаг бүхий л газраас мессеж явуулах зарчмаар удирдаж болно гэсэн үг. Уг орон сууцны гал тогоо болон ариун цэврийн өрөөнд стандартын дагуу агааржуулалтын шутам хоолойг угсарсан. Бие даасан цэвэр бохир усны системтэй байлгах зорилгоор иж бүрэн холболт, тоноглолыг хийж гүйцэтгэсэн. Ингэснээр та дэд бүтэц шийдэгдсэн газар байвал шууд холбох боломжтой ч ийм боломж тэр болгон олдохгүй шүү дээ. Ингэхээр бид цэвэр усны хангамжаа гүний худаг гаргах эсвал зөөврийн ус хэрэглэж шийднэ. Бид ариун цэврийн өрөөнд усны шилэн нөөцийн сав төлөвлөж, усны цахилгаан шахуурга төлөвлөсөн. Энэ нь усныхаа хэмжээг хянах болон ариун цэврийн шаардлагыг хангахад нэмэртэй. Харин бохир усаа зайлуулах системийг манай инженерүүд хямд зардлаар хийж гүйцэтгэн өгч болно. Халуун усыг шийдэхдээ холигч крантыг агшин зуур халаагч төхөөрөмжтэйгээр угсарсан. Дотор засал чимэглалд доорхи материалуудыг ашиглалаа. Үүнд: - Сайн чанарын ламинатан шал - Сайн чанарын "KNAUF" брэндийн гипсэн хавтан хана, тааз - Ханын гоёлын цаас - Хуванцар вакум цонх - Хамгаалалтын бүргэд хаалга - Орчин үеийн загвартай дотор хаалганууд - Хөдөлгөөн мэдрэгчтэй орчин үеийн гэрэлтүүлэг зэргийг төлөвлөж хийсэн. Цаашид бид энэхүү орон сууцыг 4-5 төрлийн янзаар, 2 хүртэл давхартайгаар төлөвлөж, сүүлийн үед гарч буй шинэ дэвшилтэт технологи, барилгын материалуудыг байнга нэвтрүүлж, таны хүсэл сонирхолд нийцсэн орон сууцыг бий болгосоор байх болно.

Менежертэй холбоо барих
Та энэ бүтээгдэхүүнийг борлуулж байгаа компанийн менежертэй холбогдохын тулд нэвтэрсэн байх шаардлагатай.

Нэвтрэх
Худалдаалагч
Эн Ти Ай Си Констракшн ХХК
Холбоо барих мэдээлэл
http://www.ntic.mn
ЗАГВАРЫН БАЙРНЫ БАЙРШИЛ: Чингэлтэй Дүүрэг 3-р хороо, Жуулчны гудамж-42, "Монгол ньюс" ХХК-ийн баруун талд