Акрил давирхайн суурьтай хэрэглэхэд бэлэн гадна хананы гоёлын өнгөлгөөний зуурмаг нь дотроо 2 мм-ийн чулуулаг дүүргэгчтэй, төрөл бүрийн өнгөтэй. Маш нимгэн түрхэгддэг. Хатуурч хатсаныхаа дараа ус хүйтэнд тэсвэртэй, маш сайн наалдах чадвартай, уян хатан, өнгө алддаггүй, цохилт болон агаарын температурын өөрчлөлт нөлөөнд тэсвэртэй.
Зориулалт: Барилгын гадна болон дотор гоёлын өнгөлгөөнд гар аргаар хийхэд зориулагдсан. Нэг үет болон олон үет засалд хэрэглэж болно. Зуурмагийг: бетон, керамик, хөнгөн бетон, тоосгон гадаргуудыг элс цементэн өнгөлгөөгөөр өнгөлж грунтэлсэний дараа , мөн хөөсөнцөр дулаалгаа тороор хамгаалж цавуудсаны дараа грунтэлээд гоёлын чулуутай өнгөө хийж хэрэглэнэ.
Техникийн үзүүлэлт:
Өнгөлгөөний тэсвэрлэх чанар /агаарын хэм / –30С-+70С
Өнгөлгөө хийхэд тохиромжтой агаарын хэм +5С-аас +25С
Бэлэн зуурмагийг ашиглах хугацаа 2 цаг / агаарын хэм +20С-т/
Өнгөлгөөний зузаан 1,2-2.5 мм
Өнгө: өнгөний олон сонголттой
Орц: 1м2-д 2.5 кг
Гадаргууг бэлтгэх: Гадаргуу нь тогтвортой маш тэгшхэн, аливаа хуучин будаг үлдэгдлээс цэвэрлэгдсэн, тоос шороогүй, хагаралт цууралтгүй байна. Өнгө өөрчлөгдөх асуудал гардаг учраас гадаргуу нилэнхүйдээ хуурай байх шаардлагатай. Гадаргууг өнгө тавихаас өмнө ус чийг тусгаарлагч грунтээр өнгөлсөн байна. Грунтыг багс эсвэл өнхрүүшээр хийнэ. 24 цагийн дараа хатна.
Өнгөлгөө хийх заавар:
Бэлэн зуурмагийг ган шпатель ашиглан хананд нааж өгнө. Зузаан нь доторхи чулуулагийн хэмжээтэй адил байна. Илүүдэл зуурмагийг жигд хусч авсны дараа гадаргууг хуванцар өнгөлөгчөөр дээш, доош эсвэл тойрог хөдөлгөөнөөр үрж хүссэн хээгээ гаргана. Ингэхдээ өнгөлгөөг наасанаас хойш 15 минутаас багагүй хугацааны дараа үрэх ажиллагаагаа эхэлнэ. Энэ үедээ өнгөлгөөг усаар норгож хэрхэвч болохгүй. Ажлын талбай нь аль болохоор нэг булангаас нөгөө булан хүртэл тасралтгүй үргэлжилэхээр тооцоологдсон байх шаардлагатай. Эс тэгвэл өнгөний ялгаа заадас гарах магадлалтай. Ажил гүйцэтгэж байх явцад 10 мин-аас илүү хугацаагаар завсарлаж болохгүй. Савлагаа –25 кг нэг сав нь 2 мм чулуутай бол 10 м2 талбайд хүрэлцэнэ.